Paamu Noke- Whakatinanatanga!

HUREII.... 

Kua tae ki te rā ki te whakatinana i ngā rangahau, ki te whakatū i ngā paamu noke e toru.

Ko te aronga mō nga kaupapa ako i tēnei wāhanga ko te ako i ngā mātauranga mō te noke ka tahi, ka rua ko te ako me pēhea te hanga i ngā paamu noke.

I ahu mai ngā noke i te paamu noke o te kaunihera o Te Awakairangi. I haere a Kōkā Rawinia ki te tari nei i tēnei ata tonu. kāore hoki he utu mō ēnei noke :) he utu mēnā ka hoko koe mai i ngā toa pērā ki Mitre 10 Mega tata ki te $50 te utu. Ko ngā tikanga mō te kohi i ngā noke nei:
1: Haere ki te tari ki te pātai mō te ki mēnā kei te raka (ēngari i tēnei rā i tūwherā kē te pouaka nei)
2: Kei muri iho tēnei pouaka i te Tari, patata ana ki te papa tākaro ki muri o te wharepukapuka o Te Awakairangi
3: Haria he ipu hei pupuri i ngā noke me ētahi karapu

Kia mōhio koutou i haunga i tēnei rā nā te nui o ngā kai e whāngaiahia e ngā kaimahi o te Wharekai. Kei te mōhio tātou ka pēnei i te mea kāore e taea e ngā noke te kai tere i ngā kai.

Ko te tētahi o ngā ture mō ngā paamu noke kia rite te rahi o ngā kai ki te rahi o ngā noke.

Kei raro iho nei ētahi whakaahua, nā Kōkā Rawinia ēnei i tango. Kei ia Kaiako o rātou ake whakaahua. Mā te wā rātou ka tuku mai pea ki te blog nei :)

Nā Kōkā Rawinia i hopu i ngā hātepe o ngā mahi ki te kāmera hei hanga kiriata. Ka waihō te taha kiriata ki ngā kaiako me ngā tamariki ki te hanga

Ko Rūma 7 te tuatahi ki te hanga i to rātou momo paamu noke. Ko tā rātou he hanga i te paamu noke ki te wīra. He rauemi hangarua te katoa o ngā taputapu mō te hanga i tēnei paamu. 

                        

Ko Paora raua ko Te Ariki e tiaki ana i ngā noke kei roto i te ipu

Nei rā te paamu wīra. He aha ngā rauemi mō te hanga i tēnei paamu noke?

                                      

 Ko Pāpā Derrick tēnei e whakarite ana i te kaaho mō te hanga i te paamu noke. Ko tana mahi tuatahi he tapahi i te mahunga o te kaaho ka ruahe wiri i tētahi kohao ki te kaaho mō te kōrere. 

Ko te tikanga o te korere hei whakarere iho i te wairanu o ngā noke. He tino te wai ranu nei hei kai mā ngā tipu, putiputi me ngā rākau.

I riro mā Pāpā Derrick tēnei mahi nā te mea me whakamahi ia i ngā kani mihini, he mea haumaru tēnei mā ngā tamariki.

Ko te paamu kaah tēnei o Rūma 5
Kāore hoki he utu ki a mātou, ko ngā taputapu hanga he mea hangarua
ko te utu noa ko te kōrere wai.

Tēnā koe Pāpā Derrick mō tou tautoko- mei kore ko koe kua kore o mātou taputapu ki te hanga i ngā paamu noke, kua kore hoki te ringa kaha ki te whakarite i te kaaho nei mā ngā tamariki o Rūma 5. Mauriora Pāpā Derrick

                                              

Ko te paamu whakamutunga ki te hanga ko tērā nō rūma 8. Ko Matua Akuhata te kaiwhakahaere mō te hanga i tēnei paamu noke. Kāore hoki he utu mō te hanga i tēnei paamu noke.

I te kai nui i hoki ai ngā tamariki o Pae 2 ki to rātou whare mō te kai. I haere mai ēnei tokotoru ki te titiro ki ngā mahi.
E noho tata ana ngā paamu noke ki to rātou wāhi takaro. He nui ngā pātai i puta mai i a ratou mō ngā mahi.

                            

Anana!! Taputapu kē!! Kia tūtuki!! 

Ka Ahu pēhea te whānau o Pae 2 inaiānei...