Rumaki Rākau Huarākau

Te Rumaki Rākau

E 2 wāhanga mātou e whakareri ana mō te rā whakahirahira nei. Kāti ka mihi ki a Scott Horton raua ko Chris Boon, Hutt Valley McDonalds Family Restaurant franchise holders ko rāua ngā kaitautoko o te Kaupapa nei.

Ka rua ki te Whaea o te kaunihera o Te Awakairanga a Sandy Beath- Croft mō tona kaha ki te kōkiri i te kaupapa nei me te tautoko i a mātou me te whakautu i ngā pātai, īmera maha a Kōkā Rawinia. Tēnā koe e te Whaea.

Rāhina 23 o Hongongoi 2012

Tae mai ngā pou tiaki me te whāriki otaota ki te Kura. Ngā mihi Whaea Piki raua ko Papa Cass mō te whakarite i te wāhi ka tau ai ngā rawa o runga nei.

Te Mata o te Whenua i mua

Rātū 24 o Hongongoi 2012

Tae mai te Pū rākau ME ngā maramara rākau i te Kai nui o te Rātū nei. Mea atu a Papa Cass ki te Kaitaraiwa ka taea e ia te hari i tāna waka ki runga i te whīra ki te hari i te wai rākau me ngā maramara rākau ki te wāhi rumaki ai ngā rākau. Ahakoa pokaikaha te Kaitaraiwa nei i haere iai runga i te whakahau a Pāpā Cass Kātahi...........

Auē! Tīhokatia ngā wīra  te taraka paku nei ki te Paru. Tuatahi ka heria te taraka ki te waka o Pāpā Cass i mua a Kōkā Rawinia e panaia ai, Kāore i aha. Ka Rua ka karanga au ki ētahi tauira o te Kahui kia awhi mai, Kāore i aha. Ka toru ka karangahia anō he tauira, ā i tīhoka tonu ngā wīra ki te paru. Ka mutu i haere a Kōkā Rawinia ki te tiki i tōnā ake waka 4WD ,ā, mā te kaha o te taraka me te kaha o ngā tauira i puta ai te taraka.

Ka mau k`we to koutou wehi tama mā! Titiro ki te Kaitaraiwa :)

Kua paea te wai rākau me ngā maramara rākau. Ko te mahi nui mā Kokā Rawinia inaiānei ko te āta whakaaro me pēhea te nuku i ngā maunga e rua nei ki te wāhi rumaki ai ngā rākau. Hmmm me aha ia?

Rāapa 25 o Hongongoi 2012

YAY, kua tae mai ngā rākau huarākau. Nau mai e ngā hua e hora nei nā Tāne, nā Rongomātane, nā Haumietiketike.
Ko Ranginui e tū ake nei, ko Papatūānuku e takoto iho nei. Tūturu whakamaua kia tina! Hui e! Tāiki e!
E 8 ngā rākau Feijoa kātahi e heria katoa ngā rākau āporo, paramu, nectarine, pītīti me te pea ki te pēke kotahi i te mea he "bare rooted" te momo o ngā rākau nei.



Rāpare 26 o Hongongoi 2012

Ko te rā whakariterite tēnei i te whenua mō ngā mahi rumaki apōpō. Ka riro mā ētahi o ngā tauira o te Kahui Kura e whakarite, māringanui ko Kōkā Rawinia tētahi o wā rātou Kaiako.

I te ata e hāngai ana ngā mahi Pāngarau ki ngā mahi Ine me te whakamahere whenua, rākau te mahi.

Ko te mahi o te rōpū Pāngarau o Kōkā Rawinia he hanga i tētahi kī mō ngā momo rākau, te aro ki te kapehu, te mita kātahi te whakaingoa i ngā rākau.

Wāhanga 2 o te rā i haere ai tēnei rōpū me ētahi tama e 3 nō te rōpū Pāngarau o Matua Kahurangi ki waho ki te kapo i ngā taputapu. Ko te take mō ngā tama e 3 nātemea ka hiahia a Matua Kahurangi te mau ki ētahi tauira e 2 nō te rōpū o Kōkā Rawinia i runga i te mea kāore anō raua e tūtuki i ōna mahi akomanga.

Ngā tauira waimārie :) He kapo i ngā taputapu, ngā rākau hei whakareri i te whenua mō ngā mahi rumaki rākau huarākau mō apōpō

To kaha hoki e Kirihi

Me pēnei te whakarite. He rākau Feijoa katoa i te rārangi kei te taha Maui. He rākau āporo, pea,paramu, pītīti, nectarine me te Peacharine ki te taha katau. He mahi nui! He whakaingoa pou, he whakarite rua, he hari i te paru me te maramara rakau ki te wāhi kotahi.

Hei te ahiahi puta mai ai te Ohu Taiao ki te awhi me ngā mahi kātahi to mātou koa ki te taenga mai o te rūma o Kōkā Lavinia a Rūma ki te āwhi. Ko te whakautu, te huarahi hei kawe i ngā paru me ngā maramara rākau ki te wāhi rumaki? He tiki ipu, pakete mā ia tamaiti ka kawe pērā mai rātou me te huripara kotahi me ngā kaheru takitoru ānake. Whuuu....



Rāmere 27 o Hongongoi 2012

Kua tae mai te rā me te kaha mihi mai o Tamanui-te- rā ki a mātou, tino ahuru te ngākau ki te kite atu. Heoti i makariri rawa i te pō rā, tau ai te hauhunga, te hukarere, te anu o Takurua ki runga i a tātou. E ai ki te kōrero -2 te makariri ki Wainuiomata, nō reirā mā te papa. Maharahara a Kōkā Rawinia mō ngā rākau i a ia e oho ana me tana tere hari i āna tama ki te Kōhanga me te haere ki te Kura ki te kite atu i ngā rākau. I tana taenga ki te Kura kua pai ngā rākau he tohu tērā mō te rā pai kei mua i ā tātou.

 

Nā ngā Tau 8 te rākau tuatahi i whakatō. I te mea he kaupapa Puhuruhurutanga tō rātou i ngā Rāmere. Ka mutu tō rātou whakatō rātou e karakia ana, ā, ka hoki atu ki te whare mahi ai

Te Mata  te whenua. Kua reri mō te whakatō rākau!

Nā Papa Cass te rākau tuarua i whakatō. Ko te ingoa o tōna rākau ko Feijoey. He whakanui i a ia me ōna mahi pai ki te Tiaki i to tātou kura me te awhi i te kaupapa Taiao.

Ko Nanny Waitangi me Rūmā 5 te rūma tuatahi i tae mai ki te whakatō rākau. Koia kei a koe Nan!

Ko Whaea Rahera tēnei i mahia ana i ngā mahi mō Te Whare o Turakirae. Tino koa te ngākau te kite i a Whaea Mere :)

I riro mā Heraraina te rākau o Rūma 5 te whakatō me te kohatu o "Tukutuku" te whakatakoto. He aha ai? Koia anake te tauira i mau mai i āna kamuputu. Ka pai kōtiro. I tango whakaahua hoki te Kairipoata o te Hutt News i a ia me te kohatu o "Tukutuku" to rongonui hoki e Heraraina.

 

 

 

Te Whānau ō Te Kohanga Reo o Te Kahui Nohinohi

Rūma 9 me Whaea Leena

Rūma 5

Pae 1 e mahi tahi ana i to rātou Karakia mō ngā rākau

Pae 2- Rūma 8 me Nanny Harete raua ko Kōkā Noni

Rūma 5, Rūma 7 rātou ko Whaea Rongomaiwahine, Nanny Waitangi me Matua Te Kawa. Kei whea a Kōkā Toni?
Ko ia te Kaitango whakaahua :) Kia ora Kōkā

Māmā Kararaina me te rākau Mirumiru Aroha- he tohu aroha ki tōnā Pāpā a Koro Richie Luke tētahi o ngā Kaumātua e wawatia ana i tō tātou kura a Te Ara Whānui

I muri.

Sandy Beach- Croft e whakatō ana i te rākau kua whaingoatia e Kōkā Rawinia raua ko Whaea Leena ko
"Ka hāhā te whenua, ka hāhā te tangata" He kōrero mō ngā tāngata i kōnei i ngā rā o mua, me ngā tāngata kei te haere tonu mai nei.
Mā te tiaki i te whenua, ka hāhā tonu te tangata.

A Sianne rātou ko Kizsa, ko Leevarde ko Matua Kahurangi e whakatō ana i te rākau huarākau o ngā Tauira 9 me. te 10. Ko rātou tokotoru anake te tauira o tēnei reanga i te kura i te rā nei. Ka pai koutou

 

 Ngā mokopuna o ngā Kōhanga Reo o Kokiri Seaview me Te Hono ki Kokiri Kohanga Reo. Niiti kē koutou

Te Hono ki Kokiri TKR- Feijoa Apollo- Te Hono ki Kokiri te ingoa

Rūma 8- Feijoa Apollo-

Rūma 12- Feijoa Apollo- Manukura te ingoa o tēnei rākau
 

Tau 9 & 10- Feijoa Wiki Tu- ??

 

Y9&10- Feijoa Wiki Tu - Te Whiti o Raumati te ingoa


Murimuri Aroha- Feijoa  Unique- Murimuri Aroha te ingoa o te rākau nei

Te Kahui Nohinohi TKR- Feijoa  Unique- Te Kahui Nohinohi te ingoa o tēnei rākau

Te Whare o Pukeatua- Feijoa Unique  - Ko Feijoey te ingoa o tēnei rākau

I muri.........

Te Whare o Keriana- Peacherine- Keriana te ingoa o tēnei rākau

Tau 8- Peach for winds- Te Kahurangi o Orongorongo te ingoa

Waiwhetu- Nectarine Kaitaia on Myrobalan- Waiwhetu te ingoa otēnei rākau


Rūma 11- Plum Sultan- Aotūroa te ingoa

Rūma 9- Plums Barbank- Korowai te ingoa

Kokiri TKR- Apple Captain Kidd Ex- Kokiri te ingoa o tēnei rākau

Rūma 7- Apple Monty Surprise- Tiaraukura te ingoa o tēnei rākau

Rūma 5- Apple Maclear- Tukutuku te ingoa o te rākau nei

Sandy Beath- Croft- Pear Dwarf Seckle- Ka hāhā te whenua, ka hāhā te tangata

Rūma 1- Pear Dwarf Keifer- ???

Mutu kau ana ngā mahi whakapai (ngā mihi anō ki te Ohu) me te heri a Kōkā Rawinia i ngā rākau ki ngā pou tiaki ko tēnei te takaro o te Kahui Kura, ko te Ki-o-rahi. Meinga, Meinga!!